Сёння дзень народзінаў святкуе адзіны ў свеце чалавек, які нарадзіўся ў XIX стагоддзі ФОТАФАКТ
Італьянка Эма Маралі святкуе сёння свой 117 дзень народзінаў. Згодна з Кнігай рэкордаў Гінэса, Эма засталася адзіным (афіцыйна) чалавекам на Зямлі, якая нарадзілася ў XIX стагоддзі.
Эма — старэйшая з васьмі дзяцей у сям'і Маралі. Яна нарадзілася 29 лістапада 1899 года. У яе сям'і таксама былі доўгажыхары — маці, цётка і некаторыя браты і сёстры, якія перасягнулі 90-гадовую мяжу. Яе сястра Анджэла Маралі знайшла супакой ва ўзросце 102 гадоў, пражыўшы з 1908-га па 2011-ы год.
У кастрычніку 1926-га яна пабралася шлюбам з Джавані Марцінуіццы (1901-1978). Адзінае дзіця пары нарадзілася ў 1937-м, аднак, на жаль, яго жыццё абарвалася, калі малому яшчэ не было і паўгода.
Жыццё ў шлюбе не прынесла Эме шчасця. У 1938-м італьянка стала жыць асобна ад мужа, якога выгнала з дому. Да 1954-га Маралі працавала на джутавай фабрыцы. Яна выйшла на пенсію ва ўзросце 75 гадоў.
Эма не пакінула свайго жылля і ў глыбокай старасці, дзе пражывае адна. Калі італьянцы стукнула 115 гадоў, яе спыталі, у чым крыецца сакрэт яе даўгалецця. Жанчына адказала, што ніколі не ўжывала наркотыкі, з'ядала тры яйкі ў дзень, выпівала шклянку хатняга брэндзі і часам песціла сябе шакаладам.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары