Жыхар Бабруйска атрымаў цяжкія траўмы, выскачыўшы з другога паверха. Ён ратаваўся ад «крэдытораў», якія патрабавалі ад яго вяртання картачнага доўгу з ужываннем сілы.
Пра гэта паведаміла БелТА афіцыйны прадстаўнік УСК па Магілёўскай вобласці Аксана Салянюк.
Мужчына гуляў у кампаніі раней судзімых і завінаваціў ім 5 рублёў.
На наступны дзень кампанія падчас чарговай сустрэчы стала патрабаваць вяртання доўгу. Мужчыну спачатку білі качалкай па галаве, а затым пачалі душыць электрычным шнурам.
Ратуючыся, мужчына выскачыў з акна другога паверха. У выніку ён атрымаў пералом пятачных костак і хрыбетніка і ў цяперашні час знаходзіцца ў бальніцы.
«Усе картачныя гульцы, што збівалі бабруйчаніна, затрыманыя, распачата крымінальная справа па ч.1 ст.384 КК (прымус да выканання абавязацельстваў). Да іх прыменена мера стрымання ў выглядзе заключэння пад варту», — сказала Аксана Салянюк.
Каментары