Як паведаміў газеце «Коммерсант» высокапастаўлены супрацоўнік сілавых структур, калі б расійскія ўлады вырашылі ўтаіць тэракт на борце Ту-154, што вылецеў з Сочы, то «яго б зафіксавалі і тут жа распаўсюдзілі інфармацыю суседзі Расіі па рэгіёне». Ён патлумачыў, што кожны расійскі самалёт, які вылятае ў Сірыю, з'яўляецца аб'ектам пільнай увагі з боку краін НАТА. Сістэмы назірання ўстаноўлены ў Турцыі, Грузіі і ва Украіне.
Суразмоўца газеты таксама патлумачыў, што ў выпадку нават невялікага выбуху на борце, лайнер павінен быў разбурыцца пры ўдары аб ваду, а гэтага не адбылося: Ту-154 пайшоў на дно адносна цэлым. Пра гэта сведчыць і той факт, што абломкі не засталіся на паверхні, а ўсплылі значна пазней.
Выданне са спасылкай на апытаных экспертаў таксама паказвае, што магчымай прычынай авіякатастрофы магла стаць несінхронная ўборка закрылак. Гэта адбываецца ў тым выпадку, калі адбыўся абрыў правадоў.
Мог самалёт і ўвайсці ў плоскі штопар з-за закліньвання стабілізатара. У гэтым выпадку машына губляе хуткасць і сыходзіць уніз.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было8
Каментары