Усяго каля ста беларусаў наважыліся асабіста папрысутнічаць на Алімпіядзе ў Пэкіне.
Каля ста беларусаў на сёньняшні дзень плянуюць паехаць у Пэкін на Алімпіяду. Пра гэта ў інтэрвію «Народнай газеце» расказаў начальнік аддзелу ўнутранага і выязнога турызму «Белінтурыста» Владлен Сакалоў. Гэтая кампанія ёсьць афіцыйным беларускім распаўсюднікам білетаў на Алімпійскія гульні.
Тым часам па словах міністра спорту й турызму Аляксандра Грыгарава беларуская дэлегацыя спартоўцаў, трэнэраў, лекараў, псыхолягаў, тэхнічных работнікаў ды іншых спэцыялістаў налічвае 330 чалавек.
Нізкая цікавасьць беларускіх заўзятараў да паездкі на Алімпіяду тлумачыцца дарагоўляў пуцёвак. Толькі пералёт у Кітай і назад каштуе паўтары тысячы даляраў. А яшчэ ж трэба аплаціць пражываньне ў алімпійскай сталіцы, білеты на спаборніцтвы.
«Сярод тых, хто едзе ў Пэкін, многа трэнэраў, былых спарцмэнаў, і яны хочуць наведаць турнір па тым відзе спорту, якім самі раней займаліся», — дадаў Владлен Сакалоў.
Каментары