У Петрыкаўскім раёне Гомельскай вобласці ўведзены каранцін у сувязі са ўспышкай афрыканскай чумы свіней. Ачаг захворвання выяўлены на прыватным падворку ў вёсцы Турок, піша «Еўрарадыё» са спасылкай на дакументы, атрыманыя ад «Белпол».
Эпізаатычным ачагом вызначана тэрыторыя асабістай падсобнай гаспадаркі ўладальніка. Пагрозлівай зонай радыусам 3 кіламетры — вёскі Ільіч і Вышалаў Петрыкаўскага раёна, зонай назірання — тэрыторыя ўсяго раёна.
Аб гэтым паведамляецца ў даведцы-абгрунтаванні да рашэння райвыканкама, падрыхтаванай галоўным ветэрынарным урачом раёна Міхаілам Мазуркевічам.
На перыяд каранціну ў ачагу захворвання забаронены ўваход і ўезд старонніх асоб і транспарту, вываз жывых свіней і прадуктаў забою, вываз свінагадоўчай сыравіны і кармоў, перагрупоўка жывёл, а таксама нарыхтоўка і рэалізацыя свініны і іншай жывёлагадоўчай прадукцыі.
У пагрозлівай зоне і зоне назірання ўведзены забарона на гандаль свіннямі і прадуктамі іх забою на рынках, забарона на правядзенне кірмашоў і выставак з удзелам жывёл, а таксама абавязковы ўлік усяго пагалоўя свіней у асабістых гаспадарках насельніцтва.
Раней, як вынікае з пратакола пасяджэння камісіі, было прынята рашэнне аб ліквідацыі ўсяго пагалоўя свіней на падворку ў Турку, дзе выяўлена захворванне.
Ветэрынарнай службе таксама даручана абследаваць усе прыватныя падворкі ў населеным пункце і правесці тлумачальную работу з жыхарамі па пытаннях прафілактыкі афрыканскай чумы свіней.
Акрамя таго, прынята рашэнне аб знішчэнні бадзяжных жывёл на тэрыторыі вёскі.
Дзяржаўнай установе «Петрыкаўская раённая ветэрынарная станцыя» даручана праінфармаваць насельніцтва праз мясцовыя СМІ і паведаміць аб пагрозе распаўсюджвання хваробы іншым раёнам Гомельскай вобласці.
Афрыканская чума свіней адносіцца да асабліва небяспечных захворванняў жывёл, пры якім для хатніх свіней не існуе лячэння і вакцыны, а заражанае пагалоўе падлягае знішчэнню.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары