У лістападзе мінулага года з'явілася інфармацыя, што авіяперавозчык Etihad, які вазіў турыстаў з Абу-Дабі ў Мінск і назад з 2008 года, па эканамічных прычынах сыходзіць з беларускага неба. Але зараз стала вядома, што Etihad застаецца, піша tio.by.
Антон Шах (мінскі офіс кампаніі Etihad) ужо пацвердзіў гэтую інфармацыю: авіякампанія працягвае лятаць у Мінск.
У прыватнасці, у сістэме браніравання Etihad ужо можна знайсці рэйсы з Мінска ў Абу-Дабі з вылетамі пасля 24 сакавіка (з гэтай даты авіякампанія планавала закрыць маршрут).
Згодна з раскладам з сайта авіякампаніі, рэйс з Абу-Дабі ў Мінск будзе даступны па аўторках, чацвяргах і суботах (07:35 — 12:25), зваротны вылет з беларускай сталіцы 13:25 - 20:20.
На дадзеным маршруце заяўлены самалёт Airbus A319-100 умяшчальнасцю да 98 пасажыраў.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары