Амерыканцы падтрымліваюць Трампа ў справе абмежавання абортаў — вынікі апытання
Новае агульнанацыянальнае апытанне ў ЗША засведчыла, што ў краіне існуе шырокі кансэнсус адносна патрэбы абмежавання абортаў, сведчаць даныя, апублікаваныя арганізацыяй KOFC.
74% апытаных аўтарытэтным незалежным Marist Institute for Public Opinion выступаюць за забарону абортаў пасля 20 тыдня ці за яшчэ больш радыкальныя абмежаванні.
61% рэспандэнтаў (у тым ліку 87% прыхільнікаў Трампа і 39% прыхільнікаў кандыдаткі ад дэмакратаў Хілары Клінтан) выступаюць супраць дзяржаўнага фінансавання абортаў у ЗША. 83% — супраць фінансавання абортаў у замежжы.
Статыстычная памылка апытання — 1,9%.
Днямі прэзідэнт Дональд Трамп падпісаў указ, які забараняе фінансаваць з федэральнага бюджэту арганізацыі, якія прапагандуюць ці праводзяць аборты.
Згодна з вынікамі апытання, толькі 16% амерыканцаў лічаць, што аборты павінны быць легальнымі на любым тэрміне цяжарнасці. Яшчэ 11% — за легальнасць абортаў у першыя 6 месяцаў пасля зачацця новага жыцця.
59% амерыканцаў (у тым ліку 58% белых, 63% афраамерыканцаў і 62% амерыканцаў лацінаамерыканскага паходжання) лічаць аборт амаральнай справай.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары