ЧС па хакеі з мячом. У складзе зборнай Беларусі выступалі тры ўраджэнцы Беларусі і 12 расіян
Зборная Беларусі заняла 8-е месца на чэмпіянаце свету па хакеі з мячом і вылецела ў групу В.
Сярод 15 спартсменаў, якія трапілі ў заяўку на матч, 12 нарадзіліся ў Расіі. У Беларусі нарадзіліся толькі тры гульцы — Віталь Ісачанка (Орша), Дзмітрый Пашалюк (Наваполацк) і Юры Зянькоў (Полацк).
Паводле прыведзеных на сайце Федэрацыі хакея з мячом Расіі дадзеных, Андрэй Маслаў, Дзмітрый Арцёменка, Мацвей Азаранка, і Яўген Свірыдаў нарадзіліся ў Новасібірску, Аляксандр Казлоў, Георгій Кудрын і Арцём Старадзід - у Кемераве, Міхаіл Тарасенка - у Хабараўску, Канстанцін Саўчанка - у Омску, Міхаіл Пашнеў — у Маскоўскай вобласці, Сяргей Юсупаў - у Іркуцку, Вячаслаў Братчанка — у Камсамольску-на-Амуры.
Сярэдні ўзрост беларускай каманды складае 33 гады.
Перад чэмпіянатам свету з'явілася інфармацыя аб тым, што зборная Беларусі можа не адправіцца на турнір з-за адсутнасці фінансавання.
Аднак у выніку каманда нашай краіны прыняла ўдзел у форуме, заняла 8-е месца і вылецела з элітнага дывізіёна у групу B, прапусціўшы ў 5 матчах 60 мячоў.
Каментары