«І прыходзіў, і парасон над ёй трымаў, і абдымаў, і цалаваў». Маці забітай Таццяны Марцішчанкі расказала пра яе адносіны з бацькам дзіцяці
Таццяна Марцішчанка — 43‑гадовая цяжарная жанчына, забойства якой ускалыхнула Беларусь, любіла свайго каханка і была з ім шчаслівая. Пра гэта ў эфіры праграмы «Трывожная кнопка» на АНТ расказала маці жанчыны Святлана, піша «Анлайнер».
Таццяна Марцішчанка знікла 8 верасня. 11 верасня яе знайшлі забітай. Па падазрэнні ў злачынстве быў затрыманы 38‑гадовы былы хакеіст і арбітр Аляксей Гаўрылёнак, ад якога жанчына чакала дзіця. Таццяна была на шостым месяцы цяжарнасці, яна выношвала хлопчыка.
Паводле слоў маці Таццяны, апошні раз яна размаўляла з дачкой 7 верасня ў 16:49. Ужо ўвечары Таццяна перастала адказваць на паведамленні. Яе дачка, якая вучыцца ў Маскве, не змагла звязацца з маці і экстранна прылецела ў Мінск. Уначы яна прыехала ў кватэру, але Таццяны там не аказалася. На наступны дзень сваякі звярнуліся ў міліцыю.
Раніцай 10 верасня, у 06:58, маці Таццяны патэлефанавала ў пошукава-выратавальны атрад «Анёл». Прадстаўнік атрада распавёў, што абставіны знікнення адразу падаліся пошукавікам нетыповымі. Яны звязаліся з супрацоўнікамі крымінальнага вышуку, якія да таго моманту ўжо працавалі па заяве, а самі дапамаглі распаўсюдзіць арыенціроўку і шукалі магчымых сведак.
Маці Таццяны таксама падрабязней расказала пра адносіны дачкі з затрыманым. Паводле яе слоў, яны былі разам каля двух гадоў, Таццяна любіла мужчыну і была з ім шчаслівая. Цяжарнасць, сцвярджае жанчына, была жаданай для абодвух.
Калі пара паведамляла навіну бацькам, мужчына сам прапанаваў паказаць здымак УГД: «Вось, будзем бацькамі». Пазней будучыя бацькі ўладкавалі гендэр-паці — яны чакалі сына.
У праграме паказалі і фрагмент з падазраваным. На пытанне пра тое, што ён адчуваў пасля таго, як закапаў цела, мужчына адказаў, што ніякіх эмоцый у яго пасля гэтага не было.
Маці Таццяны кажа, што да апошняга не магла паверыць у яго дачыненне да забойства. Паводле яе слоў, раней яна бачыла зусім іншае стаўленне да дачкі:
«І прыходзіў, і парасон над ёй трымаў, і абдымаў, і цалаваў».
Цела жанчыны ў моргу, як расказалі ў праграме, бачыла толькі яе дачка Злата. Пасля гэтага дзяўчына вырашыла, што труну адчыняць не будуць.
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам
«Танечка была вельмі пяшчотнай і ласкавай». У Мінску развіталіся з жорстка забітай жанчынай
«Спадзяюся на цуд, магчыма, памылка». Бацька хакейнага суддзі пра сына, якога падазраюць у забойстве цяжарнай жанчыны
Што вядома пра хакейнага суддзю, затрыманага па падазрэнні ў забойстве цяжарнай мінчанкі
Стаў вядомы трагічны лёс зніклай цяжарнай жанчыны ў Мінску. Яе забіў бацька будучага дзіцяці
Каментары
Жанчына была цяжарная, але ж ад забойцы, ці не, дакладна не вядома. Яна два гады была яго каханкай, але ж мог быць і яшчэ хтосьці, да каго ( са слоў забойцы ) яна пагражала можа сысці. Тэст ДНК усё б паставіў па сваіх месцах.
Плагиат какой-то с классики:
"Я подошёл, я речь завёл, я обнимал, я целовал
Я хату снял, чтоб было всё ништяк"