Паводле ўдакладненых даных, ахвярамі сходу лавін, снежных бур і моцных маразоў на паўночным усходзе Афганістана сталі па меншай меры 106 чалавек, дзясяткі параненыя, піша ВВС.
У правінцыі Нурыстан пад снегам былі цалкам пахаваныя два кішлакі. Моцна пацярпела і суседняя правінцыя Бадахшан.
Удары стыхіі закранулі і сумежную тэрыторыю Пакістана, дзе загінулі як мінімум 13 чалавек, дзевяць з іх у ваколіцах горада Чытрал. Разбураныя дзясяткі дамоў, многія пацярпелыя засталіся без прытулку, некаторыя захраслі ў салонах аўтамабіляў.
Ратавальнікам не ўдаецца дабрацца да многіх аддаленых кішлакоў з-за дрэннага надвор'я і заблакаваных снегам дарог.
Некалькі лавін сышло і на поўначы ад афганскай сталіцы. Галоўны міжнародны аэрапорт Кабула закрыты з-за снегу і лёду на ўзлётна-пасадачнай паласе.
На шашы Кабул — Кандагар паліцыя і вайскоўцы вызвалілі каля 250 аўтамашын, якія трапілі ў пастку са снегавых заносаў.
Галоўная траса, якая злучае Кабул з поўначчу краіны, перакрытая ў раёне перавала Саланг, дзе выпала амаль тры метры снегу. Два кіроўцы на перавале змерзлі да смерці, яшчэ дзясяткі застаюцца там без ежы і паліва.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары