На Гаваях перад тэнісным матчам ЗША—Германія прагучаў гімн Трэцяга рэйха
Перад пачаткам першай сустрэчы чвэрцьфінальнага матчу тэніснага Кубка Федэрацыі паміж зборнымі ЗША і Германіі, які праходзіць у амерыканскай Лахайне (на Гаваях), быў выкананы варыянт нямецкага гімна, які існаваў у часы Трэцяга рэйха.
Пра гэта паведамляе Lenta.ru са спасылкай на Assoсiated Press.
Гімн быў выкананы перад вочнай сустрэчай амерыканкі Элісан Рыске і немкі Андрэа Петкавіч.
«Гэта верх невуцтва. Ніколі ў жыцці я не адчувала такой праявы непавагі да сябе, не кажучы ўжо пра Кубак Федэрацыі, у якім я гуляю ўжо 13 гадоў. Гэта горшае, што калі-небудзь са мной здаралася», — заявіла Петкавіч.
Сустрэча завяршылася паразай нямецкай спартсменкі з лікам 6:7 (8:10), 2:6.
Пазней Асацыяцыя тэніса ЗША (USTA) у акаўнце ў Twitter прынесла прабачэнні.
Гімн Трэцяга рэйха быў забаронены ў 1945 годзе.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых88
Каментары