Былы кіраўнік літоўскага Сейма Вітаўтас Ландсбергіс звярнуўся да Аляксандра Лукашэнкі.
Фота DELFI / Tomas Vinickas
Выступаючы ў Вільні на ўрачыстасці, прысвечанай 99-м угодкам аднаўлення літоўскай дзяржавы, ён заклікаў кіраўніка Беларусі спыніць будаўніцтва Астравецкай АЭС. Таксама палітык крытыкаваў недастатковыя дзеянні цяперашняга кіраўніцтва Літвы ў справе спынення будаўніцтва АЭС у нашай краіне.
Ландсбергіс гаварыў пра «двайны атамны шантаж» Літвы — гэта дыслакацыя «Іскандэраў» у Калінінградскай вобласці Расіі і будаўніцтва АЭС у Беларусі.
«Аляксандр, гібель Літвы цябе не выратуе», — цытуе словы літоўскага палітыка Delfi.
Ён нагадаў кіраўніку беларускай дзяржавы пра расійскую небяспеку для яго асабіста. «Давай абараняцца разам», — сказаў Вітаўтас Ландсбергіс.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары