Пасля незвычайна масавай акцыі пратэсту ў Віцебску паўсталі пытанні, чаму гараджанам давялося арганізоўвацца самім? Чаму на чале калоны не было апазіцыі?
Адна з галоўных апазіцыйных сіл, якая на слыху ў Віцебску, — «Наш дом» на чале з Вольгай Карач.
Як сказала «Нашай Ніве» сама Вольга, на пратэст яна не выйшла, бо была ў бальніцы — планавая шпіталізацыя.
«Я, канечне, вельмі падтрымліваю людзей, якія патрабуюць адмены Дэкрэту №3, — сказала яна таксама. — Актывісты «Нашага дому» былі на акцыі, але сябе ў натоўпе не абазначалі, проста былі. Тут такі момант, што няма магчымасці займацца ўсім.. Наша арганізацыя з мінулага году працуе вельмі фокусна, мы з цяжкасцямі да гэтага прыйшлі, дарэчы, але ў нас цяпер ёсць дзве тэмы: дапамога жанчынам, на якіх цісне дзяржава, і праца з дэпутатамі па выкананні 10 нашых патрабаванняў. Гэта наш фокус, а ў іншых тэмах мы гатовыя дапамагаць проста як актывісты. А штосьці арганізоўваць самім? Не ведаю, мо далей сітуацыя і складзецца, што даведзецца займацца арганізацыяй, але пакуль…», — сказала Карач і дадала, што ў Маршаў ёсць арганізатары, у прыватнасці — Статкевіч і Лябедзька.
«Не хочацца, каб быў канфлікт інтарэсаў, каб хтосьці казаў, што вось, маўляў, я арганізоўваю, а тут хтосьці прыбіваецца», — падсумавала Карач.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі28
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары