Супрацоўнікі аддзела крымінальнага вышуку Цэнтральнага РУУС сталіцы затрымалі мінчука, які зрабіў дублікат ключоў, пракраўся ў кватэру на вул. Кальварыйскай і выкраў $3,1 тысячы, паведамляе ГУУС Мінгарвыканкама.
У міліцыю звярнулася жанчына, якая распавяла, што з яе кватэры было выкрадзена 3100 даляраў. Яна патлумачыла, што ў сумачцы, якая ляжала ў шафе ў адным з пакояў, знаходзіліся грашовыя сродкі ($9 тысяч). З 11 да 12 гадзін яна з'язджала па сваіх справах, а калі вярнулася, звярнула ўвагу, што ўваходныя дзверы зачыненыя ўсяго на адзін абарот замка. Жанчына дакладна памятала, што зачыняла іх на тры абароты. Гэтая акалічнасць здалася ёй падазронай, і яна вырашыла праверыць, ці ўсе рэчы на месцы. Аказалася, што ў сумачцы не хапала грошай.
У выніку аператыўна-вышуковых мерапрыемстваў супрацоўнікі крымінальнага вышуку знайшлі выкрадальніка — ім аказаўся 22-гадовы сужыцель пляменніцы гаспадыні кватэры. Раней хлопец быў судзімы за аналагічнае злачынства. Высветлілася, што малады чалавек ведаў пра грошы. Каб патрапіць унутр кватэры, ён узяў ключы сына гаспадыні і зрабіў дублікат. У затрыманага канфіскавалі выкрадзенае, але $400 ён ужо паспеў патраціць на асабістыя патрэбы.
У дачыненні да затрыманага распачатая крымінальная справа па ч. 2 арт. 205 (крадзеж) КК РБ. Праводзіцца расследаванне.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу24
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4848
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ48
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары