У Батумі (Грузія) адбыліся масавыя беспарадкі, паліцыя ўжыла спецсродкі для разгону дэманстрантаў.
Як паведамляе Радыё «Эхо Кавказа» - праект Радыё Свабодная Эўропа / Радыё Свабода, вечарам 11 сакавіка ў Батумі адбыўся канфлікт паміж некалькімі кіроўцамі і супрацоўнікамі патрульнай паліцыі, што выпісала ім штраф.
Пяцёра кіроўцаў былі затрыманыя і дастаўлены ў аддзяленне паліцыі. Жыхары горада зладзілі стыхійны мітынг перад будынкам Галоўнага ўпраўлення паліцыі Батумі, у якім, як паведамляецца, прынялі ўдзел каля тысячы чалавек.
Удзельнікі акцыі пратэсту, паведамляе «Інтэрфакс», спрабавалі прарвацца ў будынак Галоўнага ўпраўлення паліцыі, але спецназ, ужыўшы слезацечны газ і гумовыя кулі, не дазволіў ім гэтага зрабіць. Дэманстранты таксама палілі шыны і смеццевыя бакі.
Міністр аховы здароўя Аджарыі Заале Мікеладзе, паведамляе РІА Навіны, распавёў, на працягу ночы ў батумскую клініку звярнуліся 33 пацярпелых, сярод іх 15 паліцыянтаў.
Прэм'ер-міністр Грузіі Георгій Квірыкашвілі абвінаваціў у беспарадках у Батумі «дэструктыўныя сілы», якія, паводле яго слоў, «правакавалі іншых да здзяйснення актаў вандалізму, падбухторвалі да гвалту ў дачыненні да праваахоўных структур».
Каля 40 удзельнікаў беспарадкаў затрыманыя, паведаміў міністр унутраных спраў Грузіі Георгій Мгебрышвілі. «Усе асобы, якія прымалі ўдзел у беспарадках, былі іх арганізатарамі ў Батумі, будуць пакараныя па ўсёй строгасці закона», - падкрэсліў ён. Паліцыя, дадаў Мгебрышвілі, будзе ўжываць сілу ў выпадку паўтарэння беспарадкаў у Батумі або любым іншым рэгіёне Грузіі.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе14
Каментары