Лонданскі Высокі суд у сераду абвясціў, што Украіна павінна выплаціць Расіі крэдыт у памеры 3 мільярдаў даляраў, выдадзены пры прэзідэнце Януковічы.
Суддзя Уільям Блэр палічыў, што аргументы Украіны, якія складаюцца ў тым, што Расія спачатку аказвала на Кіеў палітычны ціск, а затым анексавала Крым і спрыяла распальванню вайны на ўсходзе краіны, адносяцца да пытанняў міжнароднага права і адносін суверэнных дзяржаў.
Таму, пастанавіў суддзя, яны не ўваходзяць у кампетэнцыю англійскага суда і таму не могуць быць прынятыя.
Украіна мае права на апеляцыю, якой яна, як чакаецца, скарыстаецца.
«Палітычны хабар»
Крэдыт быў выдадзены ўраду Віктара Януковіча падчас Майдану, і Украіна лічыць яго палітычным хабарам тагачаснаму прэзідэнту.
Украіна даказвала ў судзе, што, па-першае, крэдыт быў узяты пад ціскам Расіі, якая дамагалася адмовы Украіны ад дамовы аб асацыяцыі з Еўрасаюзам, да таго ж урад Януковіча, пагадзіўшыся на гэты крэдыт, парушыў закон аб бюджэце, у якім быў устаноўлены ліміт запазычанняў на год.
Па-другое, з пункту гледжання Украіны, далейшыя дзеянні Расіі - анексія Крыма і падтрымка вайны на ўсходзе Украіны - даюць Кіеву законныя падставы адмовіцца ад выплаты.
Каментары