BMW адклікае больш за паўмільёна машын па ўсім свеце. Яны могуць загарэцца
Славуты нямецкі аўтавытворца BMW абвясціў маштабную сэрвісную кампанію: каля 575 000 аўтамабіляў па ўсім свеце падлягаюць праверцы і рамонту з-за дэфекту ў сістэме запуску рухавіка. У кампаніі папярэджваюць, што ў пэўных умовах машына можа загарэцца, паведамляе Handesblatt.
Праблема звязаная з магнітным пераключальнікам (саленоідам) стартара. У дэталях, выпушчаных з ліпеня 2020 па ліпень 2022 года, пры частых запусках рухавіка адбываецца паскораны знос. Металічныя часцінкі, якія пры гэтым утвараюцца, могуць выклікаць кароткае замыканне і перагрэвы, а ў найгоршым выпадку — узгаранне аўтамабіля падчас эксплуатацыі.
Да правядзення рамонту BMW рэкамендуе ўладальнікам не пакідаць аўтамабіль з заведзеным рухавіком без нагляду, асабліва пры выкарыстанні функцыі дыстанцыйнага запуску.
Адкліканне закранае шырокі шэраг мадэляў:
- Седаны і купэ: 2 серыя (G42), 3 серыя (G20, G21, G28), 4 серыя (G22, G23, G26), 5 серыя (G30, G31), 6 GT (G32), 7 серыя (G11, G12).
- Красоверы: X3 (G01), X4 (G02), X5 (G05), X6 (G06).
- Родстары: BMW Z4 (G29) і тэхнічна роднасная ёй Toyota Supra.
Галіновае выданне kfz-Betrieb сцвярджае, што гаворка ідзе пра 575 тысяч машын, але сам аўтавытворца гэтую інфармацыю пакуль не пацвердзіў.
У межах сэрвіснай кампаніі на ўсіх закранутых аўтамабілях будзе цалкам заменены стартар. У асобных выпадках таксама спатрэбіцца замена акумулятара, каб ён адпавядаў характарыстыкам новага вузла.
Дробны рамонт BMW скончыўся для гаспадара пажарам, шкода склала 10 тысяч рублёў
На аўкцыён выставілі культавы нямецкі спорткар. Прадаюць усяго за 390 рублёў
Еўрапейцы куплялі ў Кітаі ўсё, цяпер пачалі купляць і аўтамабілі. Прамысловасць Германіі абвалілася да ўзроўню 2005 года
Кітайскі аўтапрам імкліва заваёўвае Еўропу. Замест сваіх легенд еўрапейскія заводы выпускаюць аўто з Паднябеснай
Танкі замест аўтамабіляў. ВПК замяняе аўтапрамысловасць у якасці галоўнага рухавіка эканомікі Германіі
Каментары