Кіраўнік Рассельгаснагляду Сяргей Данкверт папрасіў зняць з яго абавязкі па кантролі за пастаўкамі тавараў з Беларусі. Такую заяву ён зрабіў у часе свайго выступу на III Міжнародным аграрным форуме «Овощкульт».
«Чаму я адзін, [а там магчыма] крымінальная справа … Я папрасіў кіраўніцтва адвесці мяне ўбок, бо, можа, я сапраўды шкоднік нейкі, разбірайцеся з крымінальнай справай», — сказаў Данкверт.
Паводле яго слоў, даручыць кантраляваць пастаўкі прадуктаў з Беларусі можна «новаму намесніку» міністра сельскай гаспадаркі.
«Цяпер у нас ёсць новы намеснік міністра сельскай гаспадаркі, яму рынкі даручаны, ветэрынарыю ён ведае, быў маім намеснікам. Хай ён нейкі час Беларусь павядзе і паглядзіць, дзе перадузятасць», — сказаў Данкверт.
Згодна з інфармацыяй на сайце Рассельгаснагляду, з 6 сакавіка 2017 г. намеснікам міністра сельскай гаспадаркі Аляксандра Ткачова стаў Яўген Непаклонаў, які да гэтага, з 2011 года быў намеснікам Данкверта.
У пачатку лютага Лукашэнка запатрабаваў распачаць у Беларусі крымінальную справу ў дачыненні да Сяргея Данкверта. На думку Лукашэнкі, кіраўнік расійскага ведамства наносіць шкоду Беларусі, перашкаджаючы ўвозу беларускіх прадуктаў харчавання ў Расію. «Нам трэба вывучыць пытанне і распачаць крымінальную справу па Данкверту … за нанясенне ўрону дзяржаве», — заявіў тады кіраўнік Беларусі. Паводле яго слоў, «усе гэтыя Данкверты» — людзі зацікаўленыя. «У кожнага велізарныя латыфундыі, яны самі з'яўляюцца вытворцамі таго ці іншага прадукту», — заявіў Лукашэнка журналістам.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне36
Каментары