Заснавальнік кампаніі Microsoft і самы багаты чалавек на планеце Біл Гейтс не дазваляў дзецям карыстацца смартфонамі, пакуль ім не споўнілася 14 гадоў. Пра гэта ён распавёў у інтэрв'ю брытанскаму выданню Mirror, піша Tut.by.
У Гейтса трое дзяцей: 20-гадовая Джэніфер, 17-гадовы Роры і 14-гадовая Фібі. Усіх іх закранулі абмежаванні на выкарыстанне гаджэтаў. «Мы часта вызначаем час, пасля якога нельга карыстацца гаджэтамі. У іх выпадку гэта дапамагае заснуць у разумны час», — распавёў кіраўнік Microsoft.
Гейтс патлумачыў, што імкнецца зрабіць так, каб дзеці выкарыстоўвалі смартфоны для карысных заняткаў — напрыклад, выканання хатніх заданняў або зносін з сябрамі. Але часам гаджэтаў становіцца занадта шмат.
«Мы не карыстаемся мабільнымі тэлефонамі, калі ямо за сталом, — распавёў ён. — Мы не давалі смартфоны нашым дзецям, пакуль ім не споўнілася 14 гадоў. Яны скардзіліся, што іншыя дзеці атрымлівалі іх раней».
Гейтс не ўдакладніў, смартфонамі якой маркі карыстаюцца члены яго сям'і. У 2012 годзе яго жонка Мелінда у інтэрв'ю распавяла, што дзецям Гейтса забаронена карыстацца прадуктамі Apple: «Багацце нашай сям'і прыйшло ад Microsoft, дык навошта нам аддаваць грошы канкурэнту?»
Пазней сам Біл Гейтс удакладніў яе словы, сказаўшы, што іх дзеці і не просяць прадукты Apple. «Яны шчаслівыя са сваімі Windows Phone», — сказаў тады кіраўнік Microsoft.
Улады Гродна паведамілі пра выхад з ладу ліўнёўкі пад ударам стыхіі1
Каментары