Расіян абурыла ВІДЭА з акрабатамі ў царкве на Вялікдзень у Калужскай вобласці
У велікодныя святы ў адной з праваслаўных цэркваў Перамышльскага раёна Калужскай вобласці прайшло мерапрыемства, на якім падлеткі выконвалі акрабатычныя трукі і танчылі.
Відэа выклаў адзін з карыстальнікаў на сваёй старонцы ў Facebook. Таксама ён паведаміў, што дзеянне адбываецца ў царкве Нараджэння Багародзіцы.
Старшыня Сінадальнага аддзела па ўзаемаадносінах Царквы з грамадствам і СМІ Маскоўскага патрыярхату Уладзімір Лягойда на сваёй старонцы ў сацсетцы Facebook асудзіў тое, што адбывалася ў храме. Паводле яго слоў, «храм — месца для малітвы». Акрамя таго, ён заўважыў, што «творчую актыўнасць на прыходзе» лепш праяўляць па-за прасторай, дзе здзяйсняецца літургія.
Як паведамілі ў мясцовай пракуратуры агенцтву ТАСС, у гэты дзень у храме праходзіла велікоднае свята. «Пракуратура вывучыць ролік і дасць ацэнку дзеянняў асоб, зафіксаваных на відэа», — гаворыцца ў заяве.
Мінскія ўлады расказалі, як будуць змагацца з «акіянам аўтамабіляў» у дварах2
Каментары