Фіналіст песеннага конкурсу «Еўрабачанне» Крысціян Костаў заявіў у адным з інтэрв'ю, што ў выпадку сваёй перамогі разаб'е ўзнагароду конкурсу — «Крыштальны мікрафон» — у Маскве. Адпаведнае відэа апублікавана ў YouTube. «Спадзяюся, што я прыеду ў Маскву з «Крыштальным мікрафонам» (пераможнай узнагародай «Еўрабачання», — заўв. Рэд.) і разаб'ю яго на відэа. Спадзяюся, яно збярэ шмат праглядаў», — заявіў Костаў на відэа.
У той жа час сам спявак пазней заявіў, што расейскія СМІ няправільна трактавалі агучаную ім інфармацыю, перадае Depo.ua. «Вядома, я не хачу нічога разбіваць. Расейцы не далі мне дагаварыць. Гэта была метафара. Я меў на ўвазе, што хацеў бы падзяліць перамогу са сваёй камандай», — распавёў Костаў журналістам на чырвонай дарожцы.
Крыху пазней Крысціян Костаў дадаў, што ў захапленні ад Кіева. Раней паведамлялася, што прадстаўнік Балгарыі на «Еўрабачанні-2017» выступаў у акупаваным Крыме. Выступ Костава на паўвостраве адбыўся 1 чэрвеня 2014 года, гэта значыць, праз некалькі месяцаў пасля анексіі паўвострава Расеяй. Аднак 17-гадовага прадстаўніка Балгарыі на «Еўрабачанні-2017», які папаўся на выступах у акупаваным Крыме, наўрад ці напаткае лёс забароненай ва Украіне Юліі Самойлавай. Спявак працягне ўдзел у песенным конкурсе, бо наведваў паўвостраў яшчэ да прыняцця закона аб перасячэнні мяжы, які сёння гэта забараняе.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»9
Каментары