У гэтыя дні праваслаўныя зьбіраюцца на Віцебшчыне, каб пакланіцца сьвятому абразу Маці Божай Адзігітрыі Смаленскай.
У гэтыя дні праваслаўныя зьбіраюцца на Віцебшчыне, каб пакланіцца сьвятому абразу Маці Божай Адзігітрыі Смаленскай.
Паводле легенды, абраз прыплыў у горад па рацэ. Воды Дзьвіны прынесьлі яго прыблізна пяць стагодзьдзяў таму. З году ў год, у адзін і той жа дзень, абраз выносяць на людзі, робяць хросны ход. Традыцыя разьмяняла не адну сотню гадоў.
Ужо ніхто не памятае дакладную дату, калі гараджане ўпершыню пасталі ў чаргу, каб схіліцца перад абразом. Учора сюды прыехалі тысячы паломнікаў, людзкі калідор расьцягнуўся на некалькі кілямэтраў.
Маршрут тут не мяняецца гадамі. Працэсія рухаецца па цэнтральных вуліцах Дзісны.
Нягледзячы на забароны, хросным ходам тут хадзілі і ў часы цкаваньяў на царкву. Але тады за браму не выходзілі.
Марыя Зубкоўская, жыхарка Дзісны:
«Баяліся, і слоў няма, настаўнікі за каўнер дзяцей бралі й выводзілі з царквы, выводзілі і ў школе давалі прачуханца, што ў царкву ходзіш. Нельга было».
Чаргу тут займаюць зноў і зноў. Кожны стараецца тройчы схіліцца перад сьвятыняй.
Вера Мятла, стараста дзісьненскай царквы:
«У Дзісьне знаходзіцца сьпіс з Смаленскага абраза Божай Маці. Прыходзяць у гэты дзень сьвяткаваць і ў Смаленску, і ў Дзісьне».
Сёньня за падзеямі ў Дзісьне прыехаў назараць і падданы ЗША. Фотамастак з Чыкага Джон Кунстадтэр зьбірае калекцыю абрадаў і звычаяў беларусаў.
Сьвята ў Дзісьне ўжо выйшла далёка за рамкі местачковай падзеі.
Цяпер чытаюць
Прахадныя балы ў медыцынскія ўніверсітэты ўпершыню істотна ўпалі ЛІЧБЫ1
Прахадныя балы ў медыцынскія ўніверсітэты ўпершыню істотна ўпалі ЛІЧБЫ
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары