Больш за дзве тысячы адэсітаў розных пакаленняў са сцягамі Украіны і Еўрасаюза ў руках выйшлі на дзясяты «Мегамарш у вышыванках» па цэнтральных вуліцах марской сталіцы Украіны, паведамляе «Укрінформ».
У галаве калоны неслі вялікую расцяжку з надпісам «Мегамарш ў вышыванках. Адэса», якую з двух бакоў атачалі герб Украіны і крымскотатарская тамга. Побач рухалася вялікая група юных адэсітаў з расцяжкай «Малыя на мегамаршы», а над галовамі людзей калыхалася доўгае жоўта-сіняе палотнішча, многія неслі таксама плакаты з нацыянальнай сімволікай крымскіх татараў.
Удзельнікі мегамарша - ад Саборнай плошчы да Прыморскага бульвара скандавалі: «Казацкаму роду няма пераводу», «Адна, адзіная, саборная Украіна», «Малдаванка і Пярэсып — у вышыванках уся Адэса», «Украіна вышэй за ўсё».
Удзельнікам акцыі прадэманстравалі майстэрскае выкананне танца «Баявы гапак» выхаванцы юнацкай школы «Шторм», а ля будынка мэрыі маляўнічую калону сустрэў аркестр Нацыянальнай гвардыі Украіны, які выканаў шэраг патрыятычных кампазіцый.
Скончыўся мегамарш-2017 сумесным выкананнем песні «Батьківщина».
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
-
У Тэгеране праходзіць развітанне з Алі Хаменеі: Мядзведзеў пагражае блакадай праліваў, а новы лідар Ірана хаваецца ў бункеры
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары