Здарэнні33

Суд вынес прысуд удзельнікам «банды Молнара»: ад 5 да 18 гадоў пазбаўлення волі

У Магілёве абласны суд вынес прысуд фігурантам справы так званай банды Молнара. Ключавога фігуранта — 53-гадовага бабруйчаніна Сяргея Молнара — прыгаварылі да 18 гадоў пазбаўлення волі. Абвяшчэнне прысуду прайшло ў турме №4, дзе і праходзілі ўсе судовыя пасяджэнні. Працэс быў закрытым.

Сяргей Молнар, фота auditors.by

Справу 30 жыхароў Бабруйска абласны суд Магілёва пачаў разглядаць 14 сакавіка на тэрыторыі турмы № 4. Галоўнага фігуранта справы Сяргея Молнара і яго меркаваных змоўшчыкаў абвінавацілі ў стварэнні злачыннай арганізацыі, разбоях, вымагальніцтве, махлярстве, выкраданні чалавека, наўмысным знішчэнні і пашкоджанні маёмасці, нелегальным абароце наркотыкаў і зброі.

Суду разгледзеў больш за 100 тамоў крымінальнай справы, па якой праходзіла больш за 500 пацярпелых. У матэрыялах справы фігуравала больш за 80 злачынстваў.

Некаторыя сваякі абвінавачаных былі не згодныя з абвінавачваннем. 10 кастрычніка 2016 года некалькі маці падсудных у знак пратэсту сталі перад аўтамабілем суддзі, што вёў працэс, не даючы яму ўехаць на тэрыторыю турмы.

За паўгода да гэтага сваякі абвінавачаных прасілі зрабіць судовы працэс адкрытым. Яны ездзілі ў Мінск, каб перадаць зварот на імя Аляксандра Лукашэнкі і трапіць на прыём да начальніка галоўнага ўпраўлення па ўзаемаадносінах з органамі заканадаўчай і судовай улады, пытаннях грамадзянства і памілавання Адміністрацыі прэзідэнта Жанне Цішчанка. На прыём яны не патрапілі, але прашэнне ў іх прынялі.

Для Сяргея Молнара пракурор запытаў 18 гадоў пазбаўлення волі. Да такога тэрміна, па словах сваякоў, прысутных на судзе, яго і прыгаварылі. Удзельнікаў так званай банды баксёраў Арцёма Білушкіна і Яўгена Абдуразакава прысудзілі да 13-14 гадоў пазбаўлення волі, Максіма Кудраўцава - да 5,5 гадоў пазбаўлення волі. Дзяніса Макса (Дэн Бабруйскі, якога ў пэўных колах называлі «злодзеем у законе») прысудзілі да 7 гадоў (столькі ж прасіў дзяржабвінаваўца), былога работніка агенцтва па дзяржаўнай рэгістрацыі і зямельным кадастры Іллю Лінніка - да васьмі гадоў.

Сваякі абвінавачаных паведамілі, што будуць абскарджваць прысуды.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця31

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Усе навіны →
Усе навіны

«Кіберпартызаны»: Не трэба раздзімаць паніку, што рэжым усё можа ўзламаць, прачытаць, пра ўсё даведацца. Не, не можа2

Швейцарскі грамадскі басейн забараніў уваход усім замежнікам — усё праз дрэнныя паводзіны французаў4

Пачаўся Будслаўскі фэст. Сёлета там адбудзецца асаблівая падзея4

Чакаецца новы раўнд перамоваў між Беларуссю і ЗША — літоўскі СМІ13

Кныровіч расказаў, што трэба рабіць Ціханоўскаму, каб вызваліць палітвязняў7

Трамп сказаў Зяленскаму, што хоча дапамагчы Украіне з супрацьпаветранай абаронай4

«Спыталі, чый Крым». Беларус падаўся адразу на два ДНЖ у Польшчы і Літве, а ў выніку мусіў пакінуць ЕС9

Зяленскі пагаварыў з Трампам па тэлефоне. Абмеркавалі пастаўкі зенітных ракет1

«Абарані суверэнітэт сваёй Радзімы!» На мяжы Украіны і Беларусі з нагоды 3 ліпеня з'явіўся плакат з Пуціным8

больш чытаных навін
больш лайканых навін

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця31

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Галоўнае
Усе навіны →

Заўвага:

 

 

 

 

Закрыць Паведаміць