Беларусь прыпыняе праграмы аздараўленьня дзяцей на тэрыторыі ЗША, паведамляецца на афіцыйным сайце дэпартамэнту па гуманітарнай дзейнасьці Кіраўніцтва спраў прэзыдэнта.
Беларусь прыпыняе праграмы аздараўленьня дзяцей на тэрыторыі ЗША, паведамляецца на афіцыйным сайце дэпартамэнту па гуманітарнай дзейнасьці Кіраўніцтва спраў прэзыдэнта.
«У сувязі з узьніклай сытуацыяй, зьвязанай з супрацьпраўным утрыманьнем на тэрыторыі Злучаных Штатаў непаўналетняй беларускай грамадзянкі Тацяны Казыры, якая знаходзілася ў горадзе Пэталума, штат Каліфорнія, на аздараўленьні, і з мэтай выключэньня падобных выпадкаў у будучыні беларускі бок прапануе заключыць са Злучанымі Штатамі міжурадавае Пагадненьне аб умовах аздараўленьня непаўналетніх грамадзян Рэспублікі Беларусь у Злучаных Штатах Амэрыкі. Праект пагадненьня будзе накіраваны амэрыканскаму боку ў найбліжэйшы час», — гаворыцца ў паведамленьні.
Як паведамляў БелаПАН, 5 жніўня група з 25 беларускіх дзяцей павінна была вылецець у Мінск з Сан‑Францыска. Да прызначанага часу ў аэрапорт не прыбыла грамадзянка Беларусі 1991 года нараджэньня Тацяна Казыра. Пазьней стала вядома, што яна падала дакумэнты ў іміграцыйную службу для падаўжэньня гасьцявой візы і можа заставацца ў ЗША, каб дачакацца рашэньня ўладаў.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў18
Каментары