Прэм'ер-міністр Вялікабрытаніі Тэрэза Мэй дамовілася аб фарміраванні новага кааліцыйнага ўрада з Дэмакратычнай юніянісцкай партыяй Паўночнай Ірландыі, паведамляе The Guardian са спасылкай на крыніцы.
Мэй мае намер сустрэцца з каралевай Вялікабрытаніі ў Букінгемскім палацы ў 12.30 па мясцовым часе (14.30 па Мінску), каб узгадніць з ёй пытанне аб фарміраванні новага ўрада па выніках праведзеных датэрміновых парламенцкіх выбараў.
Тэлеканал Sky News паведамляе са спасылкай на крыніцы, што склад новага ўрада можа быць абвешчаны ўжо ў пятніцу, 9 чэрвеня.
Па выніках датэрміновых усеагульных парламенцкіх выбараў Кансерватыўная партыя атрымала 318 дэпутацкіх мандатаў у 650-мясцовай Палаце абшчын Вялікабрытаніі.
Падлік галасоў зараз працягваецца, застаецца вызначыць галасы ў адной выбарчай акрузе. Дэмакратычныя юніяністы заваявалі 10 месцаў у парламенце, іх магчымая кааліцыя з торы дазволіць апошнім забяспечыць кіруючую большасць у парламенце, для якога неабходны 326 месцаў.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы39
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары