Старшыня КДБ Валерый Вакульчык пракаментаваў сёння журналістам заяву пра катаванні ў СІЗА КДБ, пра што заявіў паплечнік Міколы Статкевіча Сяргей Кунцэвіч, які быў затрыманы перад акцыяй 25 сакавіка.
«Ну што вы кажаце, што вы кажаце? Яны самі просяць, каб іх з СІЗА №1 [на Валадарскага] перавялі ў СІЗА КДБ. Не толькі пра «Белы легіён» кажу, не толькі яны. А пра катаванні — калі ёсць інтэлект, катаванні не патрэбныя», — сказаў старшыня КДБ.
Пра Кунцэвіча Вакульчык сказаў так: «Вы чыталі яго каментар у фэйсбуку? Гэта мы напісалі? Камітэт яго на свой бок перацягнуў? Юрыдычна следчыя не знайшлі доказаў, негледзячы на тое, што ў яго машыне было гэта».
Таксама Валерый Вакульчык распавёў, колькі тэрарыстаў затрымана ў Беларусі. «Сёлета ўжо 8, летась 17, пазалетась 21. Тэрарысты, некаторыя ваявалі ў Сірыі. Сёлета затрымалі чалавека з выбуховай прыладай, які рыхтаваў тэракт у краіне Еўропы. Яго асудзілі ўжо, здаецца», — сказаў ён.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары