У Венгрыі «асвоілі» еўрапейскія паўтара мільёна даляраў, пабудаваўшы аўтаразвязку каля чыгункі, якой не існуе
У венгерскім горадзе Залаэгерсег ёсць новая кальцавая дарожная развязка прыкладна за 1,5 мільёна даляраў, пабудаваная за кошт сродкаў Еўрасаюза. Яна павінна была стаць часткай буйнога лагістычнага праекта — абслугоўваць будучы чыгуначны маршрут і кантэйнерны тэрмінал, а на справе стаіць без ніякага выкарыстання, піша тэлеканал CNN.
Планавалася, што гэтая інфраструктура дапаможа хутчэй перавозіць грузы з Адрыятычнага мора праз заходнюю Венгрыю ў іншыя краіны Цэнтральнай Еўропы. Аднак праект аказаўся незавершаным: сама чыгунка, дзеля якой і будавалі развязку, дагэтуль не існуе.
У выніку аб’ект стаіць фактычна пасярод поля і не выкарыстоўваецца. Паводле апошняй інфармацыі, будаўніцтва чыгункі яшчэ нават не пачалося і можа зацягнуцца да 2029 года.
Гэтая гісторыя стала прыкладам эканамічнай палітыкі ўрада Венгрыі, якая моцна крытыкуецца. Апазіцыя і эксперты сцвярджаюць, што ў краіне нярэдка рэалізуюцца праекты за еўрапейскія грошы без належнага планавання або з сумнеўнай карысцю. Такія аб’екты называюць «белымі сланамі» — дарагімі, але практычна бескарыснымі.
Падобных выпадкаў, паводле крытыкаў, у Венгрыі шмат: ад недабудаваных аб’ектаў да праектаў, якія не выконваюць сваёй функцыі. Пры гэтым значная частка фінансавання паступала з Еўрасаюза, які падтрымлівае менш развітыя краіны-члены, каб скараціць эканамічны разрыў з Захадам. Віктар Орбан жа быў вядомы тым, што ўмеў добра здабываць для краіны еўрапейскія грошы і іх асвойваць, і ў той жа час не ісці ў фарватары еўрапейскай палітыкі па многіх прынцыповых пытаннях.
Пры гэтым сітуацыя ўскладняецца тым, што Еўрасаюз апошнім часам пачаў затрымліваць частку фінансавай дапамогі Венгрыі з-за прэтэнзій да вяршэнства права, незалежнасці судовай сістэмы і магчымых карупцыйных схем. Гаворка ідзе пра дзясяткі мільярдаў еўра, якія пакуль не паступілі ў краіну.
На гэтым фоне тэма выкарыстання еўрапейскіх сродкаў стала важнай унутрыпалітычнай праблемай, асабліва напярэдадні выбараў. Апазіцыя абвінавачвае ўлады ў неэфектыўным кіраванні і выкарыстанні бюджэтных сродкаў, у той час як урад адмаўляе ўсе абвінавачанні і сцвярджае, што праекты маюць доўгатэрміновую перспектыву.
Трамп паабяцаў Венгрыі росквіт, калі ва ўладзе застанецца Орбан
Самая дзіўная выбарчая сістэма ў свеце. Пяць невідавочных рэчаў, якія важна ведаць пра выбары ў Венгрыі
Венгрыя і Расія ў канцы мінулага года ўзгаднілі 12 пунктаў далейшага збліжэння
«Люблю Венгрыю і Віктара». На мітынгу ў падтрымку Орбана ў Будапешце Вэнс уключыў жывую сувязь з Трампам
У Будапешт для ратавання Орбана перад самымі выбарамі прыехаў Джэй Дзі Вэнс
Орбан у размове з Пуціным параўнаў сябе з мышанём, што дапамагае Пуціну, льву
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?17
Каментары