Вярхоўны суд ЗША пагадзіўся разглядзець апеляцыю на рашэнні двух ніжэйстаячых судоў, якія заблакавалі ўказы прэзідэнта краіны Дональда Трампа аб забароне на ўезд у ЗША з шасці блізкаўсходніх краін, паведамляе ВВС.
Адначасова суд даў магчымасць некаторым палажэнням аднаго з гэтых указаў часткова ўступіць у сілу. У прыватнасці, суд растлумачыў, што ўказ аб абмежаванні на ўезд нельга ўжываць да тых, у каго ёсць даўнія адносіны з людзьмі або прадпрыемствамі ў ЗША, але можна да ўсіх астатніх.
Апеляцыя на ўказ у цэлым будзе разгледжаная Вярхоўным судом у кастрычніку. Па выніках яе разгляду стане ясна, ці будзе ў выніку гэты ўказ рэалізаваны або цалкам адменены. Сам факт згоды суда разглядзець апеляцыю і даць ход некаторым палажэнням указа прыхільнікі Трампа ўспрынялі як перамогу.
Гаворка ідзе аб так званым другім антыміграцыйным указе Трампа. Гэты ўказ прадугледжваў 90-дзённую забарону на ўезд у ЗША для грамадзян шасці блізкаўсходніх дзяржаў, населеных пераважна мусульманамі, а таксама 120-дзённую забарону на прыём уцекачоў у ЗША.
«Другі» ўказ быў падрыхтаваны і падпісаны пасля таго, як суды прыпынілі дзеянне папярэдняга, першага антыміграцыйнага ўказа падобнага зместу. Ён быў падпісаны Трампам у студзені і прадугледжваў неадкладнае ўвядзенне забароны на ўезд у ЗША для грамадзян сямі краін.
Пасля блакавання першага антыміграцыйнага указа Трамп, які абяцаў абмежаваць прыём бежанцаў і прыток мусульман у краіну яшчэ ў ходзе перадвыбарнай кампаніі, падпісаў другі ўказ з трохі больш мяккімі фармулёўкамі, які тым не менш таксама быў заблакаваны судамі.
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары