Намесьнік старшыні партыі БНФ Віктар Івашкевіч выйшаў на волю. Ён адседзеў 15 сутак арышту як заяўнік «Чарнобыльскага шляху». Ён выступаў на мітынгу каля Акадэміі Навук 26 красавіка. Улады арыштавалі ўсіх лідэраў апазыцыі, якія ўдзельнічалі ў акцыі, на правядзеньне якой быў дазвол Менгарвыканкаму.
Намесьнік старшыні партыі БНФ Віктар Івашкевіч выйшаў на волю. Ён адседзеў 15 сутак арышту як заяўнік «Чарнобыльскага шляху». Ён выступаў на мітынгу каля Акадэміі Навук 26 красавіка. Улады арыштавалі ўсіх лідэраў апазыцыі, якія ўдзельнічалі ў акцыі, на правядзеньне якой быў дазвол Менгарвыканкаму.
Нагадаем, Віктар Івашкевіч сам прыйшоў у міліцыю 4 траўня. У той час у турме на Акрэсьціна ўжо адбывалі арышты Вінцук Вячорка, Аляксандар Бухвостаў, Сяргей Калякін, Зьміцер Дашкевіч, а таксама лідэр аб’яднанай апазыцыі Аляксандар Мілінкевіч.
26 красавіка Кастрычніцкая плошча была ачэплена спэцназаўцамі. Аляксандр Мілінкевіч заклікаў людзей, якія стаялі на вуліцы Янкі Купалы прайсьці да Акадэміі навук, на дазволенае ўладамі месца збору. Людзі прайшлі праспэктам Незалежнасьці. Колькасьць удзельнікаў шэсьця дасягнула 5 000 чалавек. Каля Акадэміі навук выступілі лідэры апазыцыі. Пасьля гэтага людзі прайшлі да капліцы на вуліцы Карастаянавай.
Віктара Івашкевіча выклікалі ў міліцыю разам зь іншымі выступоўцамі на мітынгу, але ён быў заняты партыйнымі справамі і прыйшоў у міліцыю толькі праз тыдзень.
Вінцук Вячорка гаворыць:
(Вячорка:) «Нас пасадзілі за дазволеную акцыю. Гэтага ў прынцыпе раней не было. Я думаю, што й гэтыя арышты і пасадкі тых людзей, адзіная віна якіх, ахвота папрысутнічаць на судовым працэсе (я маю на ўвазе пасадку Дашкевіча ды іншых), гэта прывядзе да таго, што працэс будзе больш вынаходлівы і творчы.»
Зьмітра Дашкевіча, Артура Фінькевіча і Зьмітра Драздова затрымалі спэцназаўцы на ганку суду Маскоўскага раёну. Хлопцам патлумачылі, што будуць трымаць іх тры гадзіны нібыта дзеля высьвятленьня іхных асобаў. Насамрэч іх адвезьлі ў Маскоўскі РУУС і там склалі пратаколы за дробнае хуліганства. У судзе спэцназаўцы, якія затрымлівалі хлопцаў, казалі, што тыя нецэнзурна лаяліся. Усіх арыштавалі на 15 сутак. Артур Фінькевіч тры з паловай месяцы правёў у камэры сьледчага ізалятара і выйшаў на волю 10 траўня. Цягам месяцу яго мусяць накіраваць у спэцкамэндатуру на два гады «хіміі» за графіці. Зьміцер Дашкевіч 12 траўня выйшаў на волю пасьля 14 сутак арышту.
Алеся Стрэльнікава будуць судзіць сёньня. Ён учора заявіў хадайніцтва пра адваката і яго зноў, згодна з распараджэньнем судзьдзі Надзеі Рэўцкай, адвезьлі ў турму.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў5
Каментары