21 ліпеня ў Кіеве адбудзецца ўкраіна-беларускі эканамічны форум пры ўдзеле прэзідэнта Украіны Пятра Парашэнкі і прэзідэнта Беларусі Аляксандра Лукашэнкі. Пра гэта паведамляе Гандлёва-прамысловая палата Украіны ў Facebook.
У ходзе мерапрыемства адбудзецца пленарная частка, на якой будзе абмяркоўвацца стан, перспектывы і прыярытэтныя напрамкі ўкраіна-беларускага эканамічнага і інвестыцыйнага супрацоўніцтва, умовы і перавагі вядзення бізнесу ва Украіне і Беларусі.
«Падчас форуму таксама адбудзецца чарговае пасяджэнне ўкраіна-беларускай кансультатыўнай радыі B2B-перамовы паміж прадстаўнікамі дзелавых колаў Украіны і Беларусі», - гаворыцца ў заяве ГПП Украіны.
Нагадаем, Пятро Парашэнка пабываў у Беларусі з афіцыйным візітам у канцы красавіка 2017 года. Разам з Аляксандрам Лукашэнкам ён наведаў Чарнобыльскую АЭС і храм у аграгарадку Ляскавічы, дзе два прэзідэнты запалілі свечкі ў памяць аб ахвярах чарнобыльскай аварыі. Падчас візіту Парашэнка паведаміў, што Лукашэнка прыняў яго запрашэнне наведаць Кіеў летам гэтага года, аднак дакладныя даты візіту не агучваліся
Цяпер чытаюць
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі23
Каментары