Рашэння аб часе пачатку ўрокаў у школах прымаюць самі адміністрацыі ўстаноў адукацыі, паведаміла Sputnik прэс-сакратар Міністэрства адукацыі Беларусі Людміла Высоцкая.
«Ёсць рэкамендаванае: для школ, якія працуюць у адну змену, — 9:00 раніцы. Далей ужо вырашаюць усё на месцах», - паведамілі Sputnik ў Мінадукацыі.
У самым ведамстве інфармацыі аб тым, які працэнт школ вырашылі перанесці пачатак урокаў на 9:00, няма. Бацькі могуць даведацца расклад у адміністрацыях школ - яны ўжо павінны былі вызначыцца з часам.
У міністэрстве падкрэслілі, што пры прыняцці такога рашэння адміністрацыя школы павінна зыходзіць выключна з інтарэсаў дзяцей — ці будуць яны моцна стамляцца. Першымі ўрокамі рэкамендавана праводзіць тыя, якія не патрабуюць ад вучняў сур'ёзнага напружання. Ставіць на першы ўрок кантрольныя і праверачныя нельга.
Увесну чыноўнікі аб'яўлялі, што больш за 82% сярэдніх школ у новым навучальным годзе пяройдуць на прапанаваны прэзідэнтам графік, у крыху больш за 17% устаноў сярэдняй адукацыі першы званок празвініць у 08:30 і менш за палову адсотка школ не будуць пераносіць пачатак заняткаў.
-
Як праходзяць палявыя зборы ў школьнікаў — штурмаваць акопы і разбіраць аўтаматы вучаць і дзяўчат
-
Лукашэнка заклікаў Арменію быць акуратнай. «Каб не паўтарыць тое, што адбылося ва Украіне»
-
Стала вядома пра вызваленне Аляксандра Арановіча — кіроўцы аўтадома «Краіны для жыцця», якога арыштавалі разам з Ціханоўскім
Цяпер чытаюць
Лукашэнка нервова пракаментаваў візіт Ціханоўскай у Кіеў30
Каментары