Старшыня ўправы Польскага тэлебачання Яцэк Курскі напісаў МЗС Польшчы, што будзе вымушаны ліквідаваць тэлеканал «Белсат», калі ведамства не адновіць яго падтрымку, піша Радыё Рацыя са спасылкай на «Dziennik. Gazeta Prawna»
Як піша «Dziennik. Gazeta Prawna», Курскі ў сваім лісце да міністра Вітольда Вашчыкоўскага сцвярджае, што хоць і бачыць патрэбу ў існаванні тэлеканала для Беларусі, польскае тэлебачанне не ў стане самастойна яго фінансаваць. І без падтрымкі міністэрства яно будзе вымушана адмовіцца ад «Белсата».
«Гэта не ўльтыматум, а спроба выратаваць гэты тэлеканал» — адзначае старшыня ўправы Польскага тэлебачання. Супрацоўніцтва МЗС з дзяржаўным тэлебачаннем пры стварэнні «Белсата» набліжаецца да завяршэння. Міністэрства адмаўляецца ад дамовы з 2007 года. Рашэнне пачне дзейнічаць ўжо 31 снежня, а гэта азначае, што з 2018 года фінансаваць «Белсат» будзе абавязанае Польскае дзяржаўнае тэлебачанне.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары