Прэзідэнт ЗША Дональд Трамп ізноў паабяцаў пабудаваць сцяну на мяжы з Мексікай, прыгразіўшы не падпісаць бюджэт, калі ў ім не будуць вылучаныя грошы на гэты праект. Адсутнасць бюджэту прывядзе да таго, што федэральныя ўстановы ЗША прыпыняць сваю дзейнасць, піша ВВС.
На мітынгу сваіх прыхільнікаў пад лозунгам «Зробім Амерыку зноў вялікай» ў Фініксе, штат Арызона, Трамп абвінаваціў апазіцыянераў з шэрагаў Дэмакратычнай партыі ў абструкцыянізме, а таксама абрынуўся з крытыкай на сродкі масавай інфармацыі.
Трамп таксама закрануў пытанні іміграцыі і сваіх супернікаў-дэмакратаў, якія, як ён заявіў, «ставяць пад пагрозу бяспеку Амерыкі», перашкаджаючы будаўніцтву сцяны на мяжы з Мексікай.
Ён спаслаўся на словы прадстаўнікоў міграцыйных службаў, якія працуюць у гэтым рэгіёне і лічаць жыццёва важным паставіць бар'ер на шляху нелегальных імігрантаў, і нечакана падсумаваў: «Нават калі нам давядзецца закрыць ўрадавыя ўстановы — мы пабудуем сцяну!»
У выпадку адсутнасці бюджэту федэральны ўрад ЗША прыпыняе сваю дзейнасць, за выключэннем некаторых жыццёва важных функцый.
Цяпер чытаюць
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом4
Каментары