Трагедыя здарылася 27 жніўня на пешаходным пераходзе ў сталіцы Расіі. Кіроўца «Хёндэ» на высокай хуткасці збіў 44-гадовую Аксану і яе 10-гадовага сына, калі яны пераходзілі дарогу на зялёны сігнал святлафора. Гамяльчанка загінула на месцы, хлопчыка даставілі ў рэанімацыю.
Сярод сур'ёзных траўмаў дактары дыягнаставалі ў дзіцяці ЗЧМТ і пералом у вобласці таза. Тым не менш хірургічнае ўмяшанне не спатрэбілася — ніякія жыццёва важныя органы не закранутыя. Вядома, што 10-гадовы Раман ужо выйшаў з комы.
— Ён у адэкватным стане, усё памятае. Размаўляе. Усіх пазнае. І ўсё пытае: «Дзе мама?». Гэта галоўнае пытанне, якое яго цікавіць, — распавялі auto.tut.by.
Аксана з сынам паехалі ў Маскву, каб наведаць бацьку хлопчыка, літаральна на палову дня — выехалі ў суботу, і позна ўвечары ў нядзелю павінны былі вярнуцца назад у Гомель. У той момант, калі на пераходзе іх збіў аўтамабіль, яны якраз ішлі на сустрэчу з татам.
— Бацькі ўжо некалькі гадоў былі ў разводзе. Разам яны не жылі, але вельмі цесна падтрымлівалі ўзаемасувязь. Калі ён [бацька дзіцяці] прыязджаў з Масквы ў Гомель, то мог сам, напрыклад, прыйсці па Рому і забраць яго са школы.
У школе, у якую ходзіць Раман, таксама станоўча выказваюцца пра сям'ю хлопчыка.
— Рома — добры, здольны вучань. Мама была ў бацькоўскім камітэце, актыўна ўдзельнічала ў жыцці школы, у жыцці класа, спагадны і безадмоўны чалавек. Мы, безумоўна, шакаваныя, тым, што здарылася.
Пахаванне 44-гадовай гамяльчанкі прайшлі 30 жніўня. Тата хлопчыка застаўся з ім у бальніцы, у Маскве.
У загінулай Аксаны Раман — адзіны сын, братоў і сясцёр у хлопчыка няма. У Гомелі яго чакае родная цётка і бабуля. Мінімум тры тыдні дзіця будзе яшчэ знаходзіцца ў Маскве, пасля чаго ён прыедзе ў Беларусь. З кім вырашыць застацца дзіця, пакуль невядома, але, магчыма, апеку над хлопчыкам возьме цётка Рамана.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну12
Каментары