Успышка на Сонцы, якая адбылася ў сераду, стала самай буйной за апошнія 12 гадоў, гаворыцца ў паведамленні лабараторыі рэнтгенаўскай астраноміі Сонца Фізічнага інстытута імя Лебедзева РАН (ФІАН), паведамляе ТАСС.
Як адзначаюць навукоўцы, успышцы 6 верасня нададзены бал X9.3 — апошняя ўспышка такой сілы назіралася 7 верасня 2005 года. Па словах экспертаў, ім яшчэ трэба будзе зразумець, як такая магутная ўспышка магла адбыцца на фоне мінімуму сонечнай актыўнасці.
«У бліжэйшыя суткі даследчыкам трэба будзе разабрацца, што будзе з Зямлёй і яе касмічнымі наваколлем да канца гэтага тыдня — выбух адбыўся ў геаэфектыўнай вобласці паблізу лініі Сонца — Зямля, адкуль уздзеянне Сонца на нашу планету з'яўляецца максімальным», — гаворыцца ў паведамленні.
У ФІАНе адзначаюць, што ўзровень успышкавай актыўнасці ў дадзены момант перавышае значэнне 10 (дакладны бал — 10.3). Такое значэнне знаходзіцца ўжо за межамі звычайнай каляровай шкалы, якая налічвае пяць значэнняў (ад зялёнага да жоўтага, аранжавага, чырвонага і максімальнага, фіялетавага, узроўняў актыўнасці Сонца) і адпавядае так званаму чорнаму, найвышэйшаму ўзроўню актыўнасці.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары