Еўрапейскі Саюз мае намер зрабіць больш жорсткімі санкцыі ў дачыненні да Паўночнай Карэі. Пра гэта заявіла ў Таліне вярхоўны прадстаўнік ЕС па знешняй палітыцы і палітыцы бяспекі Федэрыка Магерыні, паведамляе DW.
Паводле яе слоў, новыя абмежавальныя меры павінны ўзмацніць ціск на Пхеньян, каб прымусіць яго ўступіць у «канструктыўны дыялог» з міжнароднай супольнасцю. Праца над планамі па пашырэнні санкцый пройдзе ў бліжэйшыя дні, дадала Магерыні.
Міністр замежных спраў Германіі Зігмар Габрыэль растлумачыў, што ў ліку абмяркоўваемых мер — забарона для паўночнакарэйскіх караблёў на ўваход у парты краін ЕС і забарона на выкарыстанне рабочых з КНДР на тэрыторыі Еўрасаюза.
Па словах крыніцы агенцтва AFP ў дыпламатычных колах, разглядаецца таксама магчымасць увядзення эмбарга на пастаўкі нафты ў Паўночную Карэю і ўнясення Кім Чэн Ына ў санкцыйны спіс.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары