7 верасьня ў касьцёле Нараджэньня Найсьвяцейшай Панны Марыі ў Заслаўлі адбылася ўрачыстая імша, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.
Гэта першая такая служба за апошнія 150 гадоў.
Заслаўскі касьцёл пабудаваны ў 1774 годзе. Пасьля паўстаньня Каліноўскага касьцёл быў адабраны ў каталікоў і ператвораны ў праваслаўную царкву. За савецкім часам і па вайне сьвятыня была разбураная.
Апошнія 10 гадоў службы праходзілі ў касьцёльнай крыпце.
За мінулы год касьцёл, дзякуючы высілкам ксяндза і парафіянаў, быў адрамантаваны і пафарбаваны знутры, адноўлены алтар. На скляпеньнях захавалася старая лепка.
Аднаўленьне храму віталі й праваслаўныя сьвятары, якія прысутнічалі на ўрачыстасьці.
Зь беларускіх палітыкаў на сьвяце быў Аляксандар Мілінкевіч зь Інай Кулей.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага8
Каментары