Польскі парламент прыняў закон аб Нацыянальным інстытуце свабоды — Цэнтры развіцця грамадзянскай супольнасці. Новая ўстанова будзе працаваць пры Канцылярыі прэм'ер-міністра. Яго мэтай будзе падтрымка няўрадавых арганізацый і вылучэнне сродкаў для іх, паведамляе Радыё Польшча.
Прыняцце закона суправаджала бурная дыскусія ў зале пленарных пасяджэнняў. Супраць гэтага дакумента выступілі апазіцыйныя партыі «Грамадзянская платформа» і «Сучасная».
Па словах дэпутата Монікі Верыхоўскай, Нацыянальны інстытут свабоды — гэта штучна створаная ўстанова, якой не хочуць НДА. Звяртаючыся да кіруючай партыі з трыбуны парламента, яна сказала: «Вы хочаце кіраваць трэцім сектарам як Пуцін і Орбан».
У той жа час, па словах прадстаўніка ўрада па сацыяльных пытаннях Адама Ліпіньскага, Нацыянальны інстытут свабоды будзе мець уплыў толькі на 1% сродкаў, якія ідуць на няўрадавыя арганізацыі.
«Нават калі б у нас быў злы намер, чаго ў нас няма, як з гэтага 1% можна перавярнуць усю сістэму, якая складаецца са 100 тысяч арганізацый», — сказаў ён.
Да гэтага часу сродкі на НДА вылучаў адзін з дэпартаментаў Міністэрства сям'і, працы і сацыяльнай палітыкі.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі15
Каментары