Вольга Карач: «Бэнээфавец сказаў бабулі, што выража ёй на лбе крыж, калі апазіцыя прыйдзе да ўлады!»
Незвычайную гісторыю распавяла віцебскі палітык Вольга Карач. У фэйсбуку яна пакінула каментар з гісторыяй пра мясцовага лідара БНФ, які гразіўся выразаць крыж на лбе суседкі.
«Наша Ніва» звязалася з Вольгай Карач, каб высветліць дэталі кранальнай гісторыі. Па словах Карач, той выпадак адбыўся яшчэ напрыканцы 1990-х.
У той час лідарам абласной арганізацыі БНФ «Адраджэнне» быў Васіль Шалухін. Карач пацвердзіла, што гісторыя тычыцца менавіта яго.
«Там яны з суседкай штосьці дзялілі на лецішчы — ці то нейкую мяжу не маглі правесці, ці то вырашалі, дзе паставіць плот», — пераконвае Карач.
Сам Шалухін цяпер на пенсіі, ад грамадскай і палітычнай дзейнасці ён даўно адыйшоў.
«У гэтай гісторыі хтосьці штосьці наблытаў: ці то тая бабуля, ці то сама Вольга Карач, — паведаміў «Нашай Ніве» Васіль Шалухін. — Па-першае, канфліктаў з суседзямі ў мяне не было ніколі. А мяжу дзяліць увогуле не было з кім. А па-другое, я б сабе не дазволіў такі выраз пра крыж на лбе нават на эмоцыях!».
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары