«Беларуснафта» прапануе павысіць цэны на паліва хаця б на 5%. Пра гэта паведаміў журналістам намеснік гендырэктара ВА «Беларуснафта» Сяргей Каморнікаў, піша Tut.by.
«Кошт бараля нафты на сусветных пляцоўках вырасла да 59 даляраў. Сёння ў Беларусі бензін каштуе танней, чым у Расіі, якая здабывае ў шмат разоў больш нафты. Кан'юнктура рынку падштурхоўвае да таго, што цэны на аўтамабільнае паліва ў Беларусі могуць павысіцца, — сказаў Сяргей Каморнікаў.
Па словах Каморнікава, ёсць падставы для павышэння цэнаў на 5%. Зараз продажы на ўнутраным рынку стратныя. Іх кампенсуюць толькі пастаўкі нафтапрадуктаў на экспарт. «З пункту гледжання кан'юнктуры, зыходзячы з цэнаў у сумежных краінах, такі ўзровень росту цэнаў быў бы дастаткова разумным і аб'ектыўным», - дадаў намеснік гендырэктара.
Нагадаем, апошні раз цана на паліва змянялася 6 мая 2017 года. Тады кошт паліва вырас на 1 капейку, і гэта стала шостым з пачатку года падаражэннем. Цяпер на запраўках аўтамабілісты могуць купіць паліва па такіх цэнах: AІ-92 - 1 рубель 17 капеек, АІ-95 — 1 рубель 25 капеек, АІ-98 - 1 рубель 36 капеек і цана дызеля ДТ-К5 - 1 рубель 29 капеек.
-
Мінская блогерка змагаецца за тое, каб «Яндэкс» звольніў жанчыну-кіроўцу бізнэс-таксі. Тая ў адказ падала заяву ў міліцыю
-
Расіянін, які перамог у «Фактар.бай», спрабуе хуценька прадаць свой прыз ад БТ — уседарожнік Belgee
-
Імпарт аўто прыватнікамі расце, а ў дылераў — падзенне продажаў. Таму дылеры хочуць, каб было, як у Расіі
Каментары