Чэмпіянат свету па футболе 2022 года, які павінен прайсці ў Катары, можа быць перанесены з-за канфліктаў будучай краіны — гаспадыні першынства з суседнімі дзяржавамі.
BBC са спасылкай на даклад, складзены Cornerstone Global, паведамляе, што адпраўным пунктам для запуску такой працэдуры можа стаць сумесны ліст у ФІФА ад Саудаўскай Аравіі, Йемена, ААЭ, Егіпта, Бахрэйна і Маўрытаніі з абвінавачваннямі Катара ў падтрымцы міжнароднага тэрарызму.
У дакуменце ўтрымліваецца папярэджанне будаўнічым кампаніям, якія займаюцца стварэннем інфраструктуры да ЧС-2022 у Катары коштам $200 млрд, што гэта «праект з высокім узроўнем рызыкі».
Раней стала вядома, што Узброеныя сілы Злучаных Штатаў прыпынілі ўзаемадзеянне з краінамі Персідскага заліва ў сувязі з катарскім дыпламатычным крызісам.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары