Прэзідэнт Чэхіі Мілаш Зэман лічыць страту Украінай Крыма «завершанай справай» і прапануе вырашыць яе з дапамогай выплат Украіне.
Пра гэта ён заявіў у Страсбургу падчас звароту да дэпутатаў Парламенцкай асамблеі Рады Еўропы, паведамляе «Еўрапейская праўда».
«На маю думку, будзе нейкая кампенсацыя для Украіны: або ў фінансавай форме, або нафтай і газам», — падкрэсліў ён
Прэзідэнт Чэхіі прызнаў незаконнасць анексіі Крыма, але заявіў, што пытанне вырашана: «Крым — гэта анексія, без сумневу. Гэта завершана справа (fait accompli)».
Зэман патлумачыў, што ў выпадку нязгоды Украіны на кампенсацыю пачнецца «еўрапейская вайна». Ён, у прыватнасці, працытаваў былога нямецкага прэзідэнта Ёахіма Гаўка: «Калі мы хочам забраць Крым і вярнуць Украіну, гэта будзе азначаць еўрапейскую вайну». На гэтай падставе Зэман зрабіў выснову, што «вайна» непазбежная таксама пры захаванні намаганняў Украіны для вяртання Крыма.
«Мы мусім пазбегнуць еўрапейскай вайны, і вы гэта павінны зразумець», — звярнуўся ён да дэпутатаў.
Каментары