Пад Тамбовам на беларускага дальнабойшчыка ляцеў п'яны ў дым кіроўца. Беларус паспрабаваў зрабіць як лепш, але не пашанцавала
Каб пазбегнуць лабавога ўдару, Аляксей Сурко вывернуў на сустрэчную паласу. У тую ж долю секунды сустрэчны аўтамабіль вярнуўся на сваю. Кіроўца легкавіка загінуў, у яго крыві знайшлі 2,8 праміле, а вінаватым суд прызнаў беларуса.
Смяротная аварыя адбылася позна ўвечары 8 лютага 2025 года пад расійскім Тамбовам. Беларускі дальнабойшчык Аляксей Сурко гнаў фуру DAF з паўпрычэпам, загружаным лесам: агульная маса з грузам — амаль 40 тон.
Раптам ён убачыў святло фар сустрэчнага аўтамабіля, але спачатку не зразумеў, па якой паласе той едзе: дарога ў тым месцы мела выгін. Калі засталося каля 200 метраў, Сурко зразумеў, што сустрэчная «Лада Прыёра» едзе з хуткасцю каля 100 км/г па яго паласе. Беларус пачаў тармазіць — яго хуткасць была каля 40 км/г — і міргаць далёкім святлом. Рэакцыі не было, сустрэчны аўтамабіль працягваў ехаць па яго паласе.
Тады Сурко рэзка вывернуў руль улева, каб сысці на сустрэчную паласу і разысціся. Але праз долю секунды легкавік рэзка вярнуўся на сваю паласу — туды, куды ўжо часткова перамясцілася фура. Адбылося лабавое сутыкненне. 39‑гадовы кіроўца легкавіка Кузін загінуў на месцы.
Сурко патэлефанаваў у службу 112. Медыкі знайшлі ў Кузіна закрытую чэрапна-мазгавую траўму, мноства пераломаў рэбраў, пералом грудзіны, разрывы лёгкіх і печані, пералом пазваночніка.
Судова-хімічнае даследаванне крыві загінулага паказала 2,8 праміле — гэта цяжкая ступень ап'янення.
Аднак вінаватым зрабілі ўсё ж беларуса — фактычна ж аварыя адбылася на паласе расіяніна. Хоць «Лада» і знаходзілася ў момант аварыі пад вуглом, але ўжо паспела вярнуцца ў сваю паласу.
А вось Сурко перасек суцэльную лінію разметкі і выехаў на сустрэчку. Маўляў, калі б беларус заставаўся ў сваёй паласе, то і раз'ехаліся б.
У выніку Тамбоўскі раённы суд прызнаў Сурко вінаватым па ч. 3 арт. 264 КК Расіі — парушэнне правілаў дарожнага руху, якое па неасцярожнасці пацягнула смерць чалавека.
У снежні 2025 года беларусу прысудзілі паўтара года калоніі ўмоўна з выпрабавальным тэрмінам на паўтара года, так што за краты ён усё ж не трапіў. Грамадзянскі іск удава загінулага не заяўляла.
Каментары
1) У дым — разговорное выражение о сильном опьянении.
Пример: Напіўся ў дым.
2) Ушчэнт — полностью, до конца.
Пример: Напіўся ўшчэнт.
3)Як бэля — народный фразеологизм (быть пьяным як бэля — как беляк/стена).
Пример: Быў пьяны як бэля.