Увечары 12 кастрычніка Глеб Лабадзенка на платформе «Талака» пачаў збор сродкаў на помнік нацыянальнаму герою Беларусі, Польшчы і ЗША Тадэвушу Касцюшку.
Літаральна за ноч удалося сабраць 3 тысячы рублёў з неабходных 11 тысяч.
Помнік плануюць усталяваць у Мерачоўшчыне (Івацэвіцкі раён), дзе нарадзіўся Касцюшка. Мясцовы музей горача падтрымаў гэтую задуму.
Ахвяраваць на помнік можна тут
У Беларусі дагэтуль няма ніводнага помніка Касцюшку, хоць ёсць два бюсты. Адзін стаіць на тэрыторыі амерыканскай амбасады ў Мінску. Другі — у вёсцы Малыя Сяхновічы, дзе жылі Касцюшкі. Ёсць таксама памятны валун у Мерачоўшчыне.
Ідэя паставіць помнік у Беларусі ўзнікла сама сабой, як адказ на спрэчкі вакол помніку Касцюшку ў Швейцарыі.
«Самае рацыянальнае зерне, якое прагучала, у тым, што не трэба шукаць ворагаў, а трэба самім ушаноўваць сваіх герояў, — пракаментаваў Глеб Лабадзенка. — Мы самі вінаватыя, што ў Беларусі няма ніводнага помніка Касцюшку, але гэта тое, што заўжды можна выправіць».
-
«Трэба крычаць, што мы ёсць, мы былі і працягваем існаваць». Тэатральны крытык Настасся Панкратава — пра сваю кнігу і беларускі тэатр да і пасля 2020 года
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
-
У Мінску адкрыўся філіял Нацыянальнага мастацкага музея
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся23
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары