Агнешка Рамашэўска-Гузы: Сітуацыя з фінансаваннем «Белсата» нармалізавалася
Дырэктар польскага беларускамоўнага тэлеканала «Белсат» Агнешка Рамашэўска-Гузы падчас сустрэчы ў Гродне заявіла, што «Белсат» будзе жыць, сітуацыя з фінансаваннем на гэты момант унармавалася, піша Радыё Свабода.
«Нас запэўнілі, што наша ініцыятыва будзе працягнутая. Як гэта будзе выглядаць у падрабязнасцях, у дачыненні фінансаў, дакладна я не ведаю, але думаю, што гэта не будзе выглядаць горш, чым было дагэтуль.
Пакуль нельга сказаць, ці грошы будуць паступаць праз МЗС, як раней, ці неяк іначай. Але ў цэлым «Белсат» захаваецца, будзе дзейнічаць. Я думаю, што была ацэненая тая праца, якую мы выконвалі дзесяць гадоў».
10 снежня тэлеканал адзначыць 10-годдзе ад пачатку вяшчання.
Агнешка Рамашэўска-Гузы зазначыла пра будучыню канала:
«Я думаю, што мы зараз будзем уваходзіць у лепшы перыяд. Я цяпер не сумняваюся, што «Белсат» захаваецца. Не ведаю, як доўга гэта будзе працягвацца, але напэўна наступны год будзе спакойным і, быць можа, і наступны за ім».
На «Белсаце» цяпер у Польшчы і Беларусі працуе 200 чалавек.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?14
Каментары