У Яндэкс.Маркеце цяпер можна замаўляць тавары з Кітая, як з АліЭкспрэса
Кампанія «Яндэкс» стварыла ў «Яндэкс.Маркеце» асобны раздзел «Тавары з Кітая». У Беларусі сервіс працуе пакуль у тэставым рэжыме, хаця ў Расіі ў ім ужо прадстаўлена больш як 500 тысяч тавараў. Такім чынам, на тэрыторыі Беларусі ў «АліЭкспрэса» з'явіўся адзіны сапраўды вялікі канкурэнт.
Як паведаміла «Нашай Ніве» кіраўніца прэс-службы Яндэкса Наталля Жураўлёва, галоўная ідэя новага сэрвіса — адзіны карыстальніцкі інтэрфейс для замовы тавараў мясцовых і кітайскіх прадаўцоў, каб зрабіць шопінг больш зручным.
Прадстаўнікі сэрвісу адзначаюць, што іх «кітайскі» раздзел мае шэраг прынцыповых пераваг: зносіны з пакупнікамі на рускай мове (прадаўцы AliExpress разумеюць у лепшым выпадку англійскую) і бясплатную дастаўку.
«Яндэкс.Маркет» — сайт, на якім пакупнікі могуць параўноўваць цэны на аднолькавыя тавары ад розных прадаўцоў, замаўляць іх, а таксама дзяліцца сваімі водгукамі і ставіць ацэнкі.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда15
Каментары