Абвінавачваны аказвае актыўнае садзеяньне сьледству.
18 верасня Раману Менцюку прад’яўлена абвінавачанне ва ўчыненні злачынства, прадугледжанага часткай 2 артыкула 317 Крымінальнага кодэкса (парушэнне правілаў дарожнага руху пры эксплуатацыі транспартнага сродку, што пацягнула нанясенне цяжкага цялеснага пашкоджання).
Пра гэта БелаПАН паведаміў начальнік аддзялення інфармацыі і грамадскіх сувязей УУС Мінскага аблвыканкама Аляксандр Шункевіч.
Паводле яго слоў, ад паслуг адваката Р.Мянцюк адмовіўся. Прадстаўнік УУС таксама зазначыў, што
абвінавачваны аказвае актыўнае садзеянне следству.
Нагадаем, 2 сакавіка, кіруючы аўтамабілем «Фальксваген‑Гольф» у стане алкагольнага ап’янення, Мянцюк стаў вінаватым у ДТЗ на 8‑м кіламетры трасы Мінск — Мікашэвічы. У выніку некалькі аўтамашын, якія супрацоўнікі міліцыі выставілі ў якасці шчыта, былі пашкоджаныя, а вадзіцелі і пасажыры некаторых з іх — траўмаваныя. Неўзабаве пасля распачынання крымінальнай справы Мянцюк уцёк. Яго затрымалі ў Маскве 8 ліпеня і па рашэнні Прэсненскага суда арыштавалі.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»10
Каментары