У аварыі пад Жыткавічамі загінуў 18-гадовы сын самага багатага фермера Альшан
Пазаўчорашняя трагічная аварыя пад Жыткавічамі, у якой загінулі трое маладых хлопцаў, забрала жыццё і 18-гадовага сына «агурковага караля» з вёскі Альшаны Брэсцкай вобласці, паведамляе Gomel.today.
Менавіта яму належаў аўтамабіль «Мерседэс», на якім тры падлеткі вылецелі ў кювет і ўрэзаліся ў дрэва, пасля чаго машына перакулілася. Усе трое загінулі, бо не былі прышпіленыя рамянямі бяспекі.
Следчы камітэт высвятляе, хто ж знаходзіўся за рулём аўто ў момант аварыі. Справа ў тым, што пасля сутыкнення з дрэвам усе трое вылецелі з салона.
18-гадовы ўладальнік аўто быў адзіным сярод траіх загінулых, які не меў правоў. У абодвух яго сяброў правы былі. Усе трое загінулых пад Азяранамі маладых людзей жылі ў вёсцы Альшаны Столінскага раёна Брэсцкай вобласці.
Гэты населены пункт выдатна вядомы не толькі ў Беларусі, але і далёка за яе межамі. Альшаны называюць «агурковай сталіцай». Справа ў тым, што мясцовыя жыхары, большасць якіх — пратэстанты (не ўжываюць алкаголь, маюць шматдзетныя сем'і), масава займаюцца фермерскім бізнэсам, пераважна вырошчваннем агуркоў.
Фермерская гаспадарка «Альшаны», што належыць Івану Грыбу, пра якую ідзе гаворка, — адна з найбуйнейшых у Беларусі, мае ў карыстанні 262 га зямлі, сучасную тэхніку, а таксама сховішча для гародніны на 2000 тон прадукцыі і халадзільнае абсталяванне. Невыпадкова сям'ю Грыбаў на Палессі і ў СМІ называюць «агурковымі каралямі».
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
-
Пад Магілёвам п'яны мужчына напаў у краме з нажом на падлеткаў
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы30
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары