У першы дзень новага года можна будзе ўбачыць рэдкую суперпоўню
На рэдкасць вялікі Месяц чакае нас у ноч на 2 студзеня 2018 года: розніца паміж перыгеем (найбольшым набліжэнні спадарожніка да Зямлі) і поўняй складзе ўсяго 4,5 гадзіны.
Суперпоўня ў Мінску 14 лістапада 2016 года
Месяц падыдзе да Зямлі ў 00:56 па мінскім часе вельмі блізка — на 356 565 км, а ў 05:25 адбудзецца поўня. Прыгожая карціна чакае назіральнікаў у ноч на 2 студзеня: апоўначы Супермесяц будзе знаходзіцца высока над сузор'ем Арыёна, у Блізнятах. Яго можна будзе назіраць з вечара 1 студзеня да раніцы 2 студзеня, то бок усю ноч над паўднёвым гарызонтам, пры ўмове яснага бясхмарнага надвор'я. Але сіноптыкі прагназуюць дажджы.
У моманты суперпоўні спадарожнік Зямлі выглядае на 14% больш і на 30% ярчэй, чым пры праходжанні найбольш аддаленай кропкі — апагею.
Каментары